ﻧﺪى ﺑﺴﻴﻮﻧﻲ ﺗﻜﺸﻒ ﻋﻦ ﺗﺠﺮﺑﺘﻬﺎ ﻣﻊ اﻟﺨﻴﺎﻧﺔ
ندى بسيوني اتكلمت عن تعرضها للخيانة الزوجية، والأغرب إنها اكتشفت الحقيقة بنفسها من غير ما حد ييجي يحذرها أو يكشف لها اللي حصل. لكن رد فعلها ماكانش خناقة ولا فضايح.. اختارت الانسحاب بهدوء، وقالت إن الخيانة مش معناها إن الطرف التاني مقصّر، لكن معناها إن اللي خان هو اللي قرر يكسر الثقة.
ندى أكدت أن كرامة الست أهم من إنها تفضل في علاقة اتكسرت فيها الثقة، وإن الاستقلال المادي والمعنوي بيدي المرأة القوة إنها تواجه الصدمات وتاخد قراراتها بنفسها.
وكشفت كمان عن تجربة زواج سابقة من شخص أكبر منها بأكتر من 20 سنة، وقالت إن التجربة دي ساعدتها تنضج وتتعامل مع مواقف الحياة بعقل وهدوء أكبر.
لكن بنتها كانت ليها الأولوية.. ندى وصفتها بأنها خط أحمر، واعترفت إنها ضحّت بفرص فنية في مراحل من حياتها علشان تتفرغ لتربيتها وتوفر لها حياة مستقرة، مؤكدة أن النجاح مش شهرة وأدوار وبس، لكنه كمان إنك تربي ابن أو بنت بشكل سليم.
وفنيًا، ندى انتقدت تراجع مستوى بعض الأعمال الدرامية، وهاجمت تكرار الحكايات وضعف السيناريوهات، وأكدت أنها مش ندمانة على فترات ابتعادها عن الشاشة.
أما العودة، فمش هتحصل لمجرد الظهور.. ندى حددت 3 شروط: سيناريو قوي، ومخرج واعي، ودور يديها مساحة حقيقية تثبت فيها موهبتها. يعني بعد مشوار طويل، مش هتقبل بأي عمل لمجرد إنها ترجع للأضواء.
